ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានជំរុញដល់ពលរដ្ឋឱ្យមើលសៀវភៅប្រវត្តិសាស្ត្រកម្ពុជា ដើម្បីដឹងពីប្រវត្តិ និងការតស៊ូរបស់ប្រជាជាតិមួយនេះពីការបែកបាក់មកដល់ការរួបរួមគ្នាបច្ចុប្បន្ន។

ថ្លែងក្នុងពិធីប្រគល់សញ្ញាបត្រជូនដល់និស្សិតនៃវិទ្យាស្ថានជាតិបណ្ដុះបណ្ដាលបច្ចេកទេស នៅរាជធានីភ្នំពេញ ព្រឹកថ្ងៃទី២៧ ខែកុម្ភៈ ឆ្នាំ២០២៣នេះ សម្ដេចបានថ្លែងថា៖ «សុំឧស្សាហ៍មើលសៀវភៅបន្ដិចដើម្បីឱ្យដឹងប្រវត្តិរបស់ខ្លួនវាយ៉ាងមិច»។

កម្ពុជាបានឆ្លងកាត់ការបែកបាក់ជាតិចាប់ពីឆ្នាំប្រមាណ ១៥០០ រហូតដល់ឆ្នាំ១៩៩៨ ជាអំឡុងដែលកម្ពុជាបែកបាក់ជាច្រើនផ្នែក ប្រទេសមួយមានតំបន់ត្រួតត្រាច្រើន និងការបោះបោរជាបន្តបន្ទាប់។ ភាពបែកបាក់នេះទើបត្រូវបានផ្សះផ្សារឡើងវិញនៅឆ្នាំ១៩៩៨ ក្រោមនយោបាយឈ្នះឈ្នះរបស់សម្ដចតេជោ ហ៊ុន សែន នាំឱ្យប្រទេសកម្ពុជាក្លាយជារដ្ឋឯករាជ្យមួយយ៉ាងពេញលេញ មានការឯកភាពទឹកដី ក្រោមដំបូលរាជានិយមនិង រដ្ឋាភិបាលតែមួយបន្ទាប់ពីបែកបាក់អស់ជាង ៥០០ឆ្នាំក្នុង ប្រវត្តិសាស្ត្រ៕